प्रलयकारी डढेलो

नयाँ मुलुकभित्र पर्ने बाँके जिल्लाका विभिन्न सामुदायिक वनमा प्रलयकारी बन्दै फैलिएको छ डढेलो । यसबाट जैविक विविधता त नष्ट नै हुन गएको छ । मानिसका लागि पनि पर्यावरण नास भएको छ । डढेलोका कारण वनमा रहेका वन्यजन्तु तथा जनस्पति सबै जलेर नष्ट हुन गएका छन् ।

देशभर अहिले डढेलोको प्रकोप छ । वन सबै जलेर काला बुट्यानमा परिणत भएका छन् । जंगलमा रहेका खरायो, सर्प र विभिन्न प्रजातिका कीरा तथा चरा मारिएका छन् । आगोको ज्वाला लप्लपाउँदै सबै कुरा ‘स्वहा’ पारिरहेको छ । बाँकेको राप्तीसोनारी गाउँपालिका अहिले यसको एक दृष्टान्त बनिरहेको छ । यहाँको सामुदायिक वनमा खरायो, सर्प र विभिन्न प्रजातिका चरा मरेको अवस्थामा फेला परेका छन् ।