कञ्चनपुरका खोलामा बहाव बढ्न सक्ने, तटीय क्षेत्रका बासिन्दालाई सतर्कता अपनाउन आग्रह

काठमाडौँ । जल तथा मौसम विज्ञान विभागले कञ्चनपुर जिल्लाका केही क्षेत्रमा पछिल्लो घण्टाहरूमा मध्यम वर्षा मापन भएको जनाउँदै साना खोलाहरूमा बहाव बढ्न सक्ने चेतावनी दिएको छ।

विभागले आज (सोमबार) बिहान ४ः३० बजे एक सूचना जारी गर्दै विगत ३ घण्टामा खल्लागोठ र शान्तिपुर बेलौरी वर्षामापन केन्द्र तथा त्यस आसपासका क्षेत्रमा मध्यम वर्षा भएको जनाएको हो।