जुम्लामा ट्याक्टर दुर्घटना, एकको मृत्यु, एक गम्भीर घाइते

कर्णाली राजमार्ग अन्तर्गत जुम्लाको तातोपानी गाउँपालिका–३ लाछुगाउँ नजिक मंगलबार साँझ ट्याक्टर दुर्घटना हुँदा एक जनाको मृत्यु भएको छ भने एक जना गम्भीर घाइते भएका छन्।

जिल्ला प्रहरी कार्यालय जुम्लाका अनुसार भे १ ट ८९३५ नम्बरको ट्याक्टर अनियन्त्रित भएर करिब दुई सय मिटर तल खसेको हो। दुर्घटनामा तिला गाउँपालिका–४ निवासी ३५ वर्षीय खर्बेन्द्र शाहीको घटनास्थलमै मृत्यु भएको प्रहरीले जनाएको छ।