ट्याक्टरको ठक्करबाट छोरीको मृत्यु, बाबु घाइते

सर्लाहीको लालबन्दी नगरपालिका–४, हरिभवनमा शुक्रबार दिउँसो ट्याक्टरको ठक्करबाट छोरीको मृत्यु भएको छ भने बाबु गम्भीर घाइते भएका छन् ।

शुक्रबार दिउँसो २ः३० बजे भीषण वर्षा भइरहेको समयमा हरिपुरतर्फबाट लालबन्दी आउँदैगरेको सेफ्टी ट्याङकी जडान गरिएको ना ५ त ३११३ नम्वरको ट्याक्टरले ठक्कर दिँदा हरिभवन निवासी सन्तोष भट्टराईकी छोरी छ वर्षीया अन्सु भट्टराईको मृत्यु भएको हो । बुवा सन्तोषले चलाएको साइकल पछाडि सवार अन्सुको ट्याक्टरको ठक्करबाट घटनास्थलमै मृत्यु भएको छ ।