मङ्गलादेवी स्मृति बुद्धिचालको उपाधि शान्तिलाई

थापाथली चेस पार्ककी शान्ति धिमालले मङ्गलादेवी स्मृति बुद्धिचाल प्रतियोगिताको उपाधि जित्नुभएको छ । धिमालले नौ चरणको खेलमा आठ अङ्क हात पार्दै उपाधि चुम्नुभएको हो ।

प्रतियोगितामा साढे सात (७.५) अङ्कसहित राधिका पौडेलले दोस्रो स्थान हासिल गर्नुभयो । यसैगरी सात अङ्क जोड्नुभएकी चितवनकी लक्ष्मी कँडेल तेस्रो बन्नुभयो ।

काठमाडौँ महानगरपालिका–२७ को आयोजनामा सञ्चालित सो प्रतियोगितामा देशभरका १०२ जना खेलाडीको सहभागिता थियो ।