मधेस प्रदेशमा मानसिक स्वास्थ्य समस्या बढ्दै, एक वर्षमा एक हजार २९८ जनाको मृत्यु

जनकपुरधाम । मधेस प्रदेशमा मानसिक स्वास्थ्यसम्बन्धी समस्या पछिल्लो समय तीव्र रूपमा बढ्दै गएको छ। विभिन्न कारणले मानसिक रोगीहरूको संख्या बढेसँगै मृत्यु दर पनि उच्च देखिएको मधेस प्रदेश स्वास्थ्य निर्देशनालयले जनाएको छ।

मधेस प्रदेश स्वास्थ्य निर्देशनालयको आयोजनामा तथा संयुक्त राष्ट्र सङ्घीय जनसङ्ख्या कोष र टिओपी नेपालको सहयोग र समन्वयमा मङ्गलबार जनकपुरधाममा सम्पन्न मानसिक स्वास्थ्य तथा मनोसामाजिक परामर्श सेवा कार्यक्रमको प्रदेश स्तरीय वार्षिक समीक्षा बैठकमा यो तथ्य सार्वजनिक गरिएको हो।