राप्रपा कार्यालयमा अनसन बसेकी केन्द्रीय सदस्य आचार्यको स्वास्थ्यमा समस्या, अस्पताल लगियो

काठमाडौं । समानुपातिक सूची सच्याउन माग गर्दै पार्टी कार्यालयमा आमरण अनशन बसेकी राप्रपा केन्द्रीय सदस्य नानीमैया आचार्यको स्वास्थ्य अवस्था बिग्रिएको छ । उनलाई एम्बुलेन्समा राखेर ह्याम्स अस्पताल लगिएको छ ।

सूची सच्याउने माग राख्दै आचार्य र चम्पा अधिकारी आमरण अनसानमा बसेका हुन् । अधिकारी राप्रपाको महिला सङ्गठनको सचिव हुन् भने आचार्य राप्रपाको केन्द्रीय उपाध्यक्ष हुन् ।