नेपाल–भारत सीमा संरक्षण कार्यविधि स्वीकृत

काठमाडौं । नेपाल–भारत सीमा कार्यसमूहको सातौं बैठकले सीमा स्तम्भ मर्मत र प्रविधिमा नवीनता अपनाउने सहमति गरेको छ । भारतको नयाँ दिल्लीमा भएको कार्यसमूहको वैठकले सो सहमति कायम गरेको हो ।

बैठकले नेपाल–भारत सीमामा रहेका सीमा स्तम्भहरूको अनुगमन, मर्मत तथा संरक्षणका लागि अद्यावधिक कार्यविधिहरू स्वीकृत गरेको छ । साथै, सीमांकन र नक्सांकनको क्षेत्रमा प्रविधि प्रयोगलाई बढाउँदै कार्यसम्पादनलाई अझ प्रभावकारी बनाउने सहमति पनि बैठकले गरेको छ ।