हिमावासीका घरघरमा धारा

जुम्ला — हिमा गाउँपालिका–२ की करिष्मा रोकायालाई एक वर्षअघिसम्म खानेपानी जोहो गर्न निकै चिन्ता लागिरहन्थ्यो। नजिकै खानेपानीका मुहान नहुने र सिंगो गाउँका लागि बनेका धारामा सानो पानी आउने भएकाले घण्टौं कुर्नुको विकल्प थिएन।

धारामा जानुपर्ने सोच बनाउनेबित्तिकै उनको सोचाइमा लाइन बस्नुपर्ने विषयले पिरोल्न थाल्थ्यो । तर, अहिले उनको गाउँमा एक घर, एक धारा छन् । हरेक धारामा चौबिसै घण्टा पानी छचल्किरहेको छ।