रास्वपा-उज्यालो नेपालको करबलको मिलन १२ दिनमै ब्रेकअप, कुलमानले अपमान र धोका दिएको भन्दै खुलाए ७ कारण

काठमाडौं : समानुपातिक उम्मेदवारहरूको सूची बुझाउने अन्तिम दिन उज्यालो नेपाल पार्टीका संरक्षक कुलमान घिसिङ बौद्धमा रहेको एक होटलमा बसेर सूची फाइनल गरिरहेका थिए। राष्ट्रिय स्वतन्त्र पार्टीसँगको एकताको छलफल टुंगिएपछि निर्वाचनमा एक्लै प्रतिस्पर्धा गर्न उनी एक सय १० जना समानुपातिक उम्मेदवारको नाम छानिरहेको बेलामा जेनजी आन्दोलनपछि अगुवाका रूपमा देखिएका सुधन गुरुङ होटलमा पुगे।

उनले प्लिज दाइ एक पटक जाऊँ न भन्दै हातै समातेर आफ्नै गाडीमा राखेर उनलाई लिएर सिधै आसिफ साहको कार्यालयमा पूर्याए जहाँ बालेन शाहदेखि रवि लामिछानेसम्म उनको प्रतीक्षामा थिए। बालेन शाहको समूहसँगै रास्वपा प्रवेशका लागि भएको वार्ता भङ्ग भएसँगै आफ्नै तयारीमा रहेका कुलमान र रास्वपाबीचमा सातबुँदे सहमति भयो जसमा कुलमान उपसभापतिसहित रविपछिको दोस्रो वरियतामा रहने उल्लेख थियो।