एकता दिवसका अवसरमा ककनीमा ‘राष्ट्रिय एकता कला कार्यशाला’

काठमाडौँ । काठमाडौँसँग जोडिएको नुवाकोटको ककनीमा ३०४औँ पृथ्वीजयन्ती तथा राष्ट्रिय एकता दिवसका अवसरमा शनिबारदेखि ‘राष्ट्रिय एकता कला कार्यशाला, २०८२’ सुरु भएको छ ।

आइतबारसम्म सञ्चालन हुने दुई दिने कला कार्यशालामा काठमाडौँ उपत्यकासहितका विभिन्न जिल्लाका १५ जना कलाकारको सहभागिता रहेको ककनी पौवा गुठीका गुठियार शशिविक्रम थापाले जानकारी दिए । उनले अनेकतामा एकता नेपाली समाजको मौलिक कला, संस्कृति, इतिहासको संवर्द्धन र प्रवर्द्धनका लागि दुईदिने कला कार्यशाला आयोजना गरिएको बताए ।