आठराई त्रिबेणीको योजना : आउँदो पुसभित्र फुसको छानोरहित पालिका घोषणा गर्ने

ताप्लेजुङको आठराई त्रिबेणी गाउँपालिकाले २०८३ साल पुस महिनाभित्र आठराई त्रिबेणीलाई फुसको छानो विस्थापन भएको पालिका घोषणा गर्ने भएको छ ।

पालिकाले मंगलबारबाट सुरु गरेको सार्वजनिक सुनुवाइ कार्यक्रमअन्तर्गत वडा नं. १ निगुरादिनमा आयोजित कार्यक्रममा पालिका अध्यक्ष दीपेन्द्र पोमुले फुसको छानो विस्थापन गर्नुपर्ने संख्या अब पालिकाभित्र सयभन्दा मुनि रहेको जानकारी दिए । पोमुका अनुसार अहिलेसम्म पालिकाभरिका ५ सय घरधुरीका फुसका छाना विस्थापन भइसकेका छन् । अब ७४ घरपरिवारको फुसको छानो विस्थापन गर्ने काम मात्र बाँकी रहेकाले उक्त कार्य आउँदो पुस महिनाभित्र पूरा गर्ने पोमुले घोषणा गरे ।