आयल निगमको कार्यकारी निर्देशक नियुक्ति प्रक्रिया सुरु

नेपाल आयल निगम लिमिटेडको कार्यकारी निर्देशक पदका लागि नियुक्ति प्रक्रिया सुरु भएको छ। तत्कालीन कार्यकारी निर्देशक डा.चण्डिकाप्रसाद भट्टले राजीनामा दिएपछि रिक्त रहेको पदपूर्तिका लागि उद्योग, वाणिज्य तथा आपूर्ति मन्त्रालयले आवेदन आह्वान गरेको हो।

मन्त्रालयले मंगलबार सार्वजनिक सूचना जारी गर्दै योग्य नेपाली नागरिकबाट आवेदन माग गरेको छ। सूचनाअनुसार इच्छुक उम्मेदवारले विज्ञापन प्रकाशित भएको मितिले २१ दिनभित्र आवेदन दिनुपर्नेछ।