नेपाल दक्षिण एसियाली स्ट्रीट डिफेन्स च्याम्पियन

काठमाडौं। नेपाल जित कुन–डो मार्सल आर्ट एसोसिएसनको आयोजनामा सम्पन्न दोस्रो दक्षिण एसियाली स्ट्रीट डिफेन्स च्याम्पियनसिपमा नेपाल टिम च्याम्पियन बनेको छ।

त्रिपुरेश्वरस्थित राष्ट्रिय खेलकुद परिषद् (राखेप) को कभर्डहलमा सोमबार सम्पन्न प्रतियोगितामा नेपालले ९ स्वर्ण, ७ रजत र ९ कास्यसहित कुल २५ पदक जित्दै टिम च्याम्पियनको उपाधि हात पारेको हो। एक स्वर्ण पदक जितेको बंगलादेश दोस्रो तथा २ रजत र २ कास्य पदक जितेको भारत तेस्रो स्थानमा रह्यो।