एक महिनामा २६ सय बढी फरार प्रतिवादी पक्राउ

काठमाडौँ। नेपाल प्रहरीले आर्थिक वर्ष २०८१/८२ को जेठ महिनामा देशभरबाट फरार रहेका २ हजार ६ सय ३८ जना प्रतिवादीलाई पक्राउ गरेको छ। प्रहरीका अनुसार यी प्रतिवादीहरू अदालतबाट फैसला भइसकेका तर फरार रहेका थिए। उनीहरूलाई समातेर अदालतको फैसला कार्यान्वयन गराइएको हो।

प्रहरी मुख्यालयले सार्वजनिक गरेको विवरण अनुसार, पक्राउ पर्नेमा कोशी प्रदेशबाट २ सय ४१ जना, मधेसबाट ६ सय ९४, गण्डकीबाट १ सय ३३ जना रहेका छन् भने कर्णाली प्रदेशबाट ५९ जना रहेका छन् । त्यस्तै, सुदूरपश्चिम प्रदेशबाट ७९ जना, बागमती प्रदेशबाट २ सय ९२ जना र लुम्बिनी प्रदेशबाट ४ सय जना रहेका छन् ।