ओसासुनाविरुद्ध गिरोना विजयी

काठमाडौँ । स्पेनिस ला लिगा अन्तर्गत शनिबार सम्पन्न खेलमा गिरोनाले ओसासुनालाई १–० ले पराजित गर्दै महत्त्वपूर्ण तीन अंक जोडेको छ । घरेलु मैदानमा भएको खेलमा गिरोनाका लागि निर्णायक गोल भ्लादिस्लाभ भानातले खेलको ४४ औँ मिनेटमा गरे ।

खेलको पहिलो हाफमै अग्रता बनाएको गिरोनाले दोस्रो हाफमा रक्षात्मक रणनीति अपनाउँदै ओसासुनालाई गोल गर्ने अवसर दिन दिएन । ओसासुनाले केही राम्रा आक्रमणको प्रयास गरे पनि फिनिसिङमा कमजोर देखिँदा खेल बराबरीमा फर्काउन असफल रह्यो ।