इरानले कहिल्यै आणविक हतियार नबनाउने सम्झौता भएको ट्रम्पको दाबी

काठमाडौं । अमेरिकी राष्ट्रपति डोनाल्ड ट्रम्पले सहमति भएको सम्झौताको दस्तावेजमा इरानले कहिल्यै पनि आणविक हतियार बनाउने छैन भन्ने उल्लेख गरिएको बताएका छन् ।

ट्रम्पले G-7 शिखर सम्मेलनको क्रममा संयुक्त अरब इमिरेट्स (UAE) का राष्ट्रपति शेख मोहम्मद बिन जायद अल नाह्यानसँगको द्विपक्षीय बैठकमा सम्झौतासँग सम्बन्धित दस्तावेजको बारेमा कुरा गरेका हुन् ।

ट्रम्पले भने, "मलाई दस्तावेज जारी गर्न कुनै समस्या छैन । यो एक अद्भुत दस्तावेज हो । यसमा भनिएको छ - इरानले कहिल्यै आणविक हतियार बनाउने छैन । उसले कहिल्यै पनि एउटा किन्न वा विकास गर्न सक्ने छैन । त्यो मेरो सबैभन्दा ठूलो माग थियो, किनभने हामी त्यसो हुन दिन सक्दैनौँ ।"

"म दस्तावेज मात्र जारी गर्नेछैन, तर सम्भवतः म पत्रकार सम्मेलन पनि गर्नेछु र यसलाई शब्द-शब्द पढेर सुनाउनेछु ताकि मिडियाले यसलाई राम्रोसँग कभर गर्न सकोस्," उनले भने ।

शिखर सम्मेलनको सुरुमा ट्रम्पले भनेका थिए, "म बिना इजरायल हुने थिएन ।"

ट्रम्प भन्छन् - यदि म नभएको भए इजरायल ध्वस्त भइसकेको हुन्थ्यो