फेवातालमा हावाहुरीले पल्टायो डुंगा, दुई भारतीय पर्यटकको उद्धार

काठमाडौँ । सशस्त्र प्रहरीले फेवातालबाट दुई जना भारतीय पर्यटकको सकुशल उद्धार गरेको छ। मंगलबार साँझ हावाहुरी र पानीको छालका कारण दुईवटा सर्फेस बोट पल्टिएको थियो।

दुर्घटनामा परेका भारतका ४० वर्षका धीरज कोरवाल र ३५ वर्षका विकास कोरवाललाई सशस्त्र प्रहरीले सुरक्षित स्थानमा ल्याएको हो। उनीहरू नेपाल घुम्न पोखरा आएका थिए।