आजकाे माैसम– तराईमा दिनभर हुस्सु र कुहिराे, राति पनि नहट्ने

देशमा पश्चिमी न्यून चापीय प्रणालीको सामान्य प्रभाव रहेको जल तथा माैसम पूर्वानुमान महाशाखाले जनाएकाे छ । अहिले बिहान देशका पहाडी भू–भागमा आंशिक बदली रही तराईका धेरै भू–भागहरूमा हुस्सु तथा कुहिरो लागेकाे छ ।

शीतलहरका कारण जनजीवन कष्टकर बनेकाे छ । आज दिउँसाे देशको पहाडी भू–भागमा आंशिक बदली रही बाँकी भू–भागको मौसम सामान्यतया सफा रहने माैसमविद्ले बताएका छन् । तराईका धेरै भू–भागहरूमा दिउँसाे पनि हुस्सु र कुहिरो लाग्ने सम्भावना रहेको छ ।