स्ववियुको प्रतिनिधित्व हटाउने अध्यादेशविरुद्धको  रिटमा सर्वोच्चको अन्तरिम आदेश

काठमाडौँ । त्रिभुवन विश्वविद्यालय (त्रिवि) केन्द्रीय क्याम्पस स्वतन्त्र विद्यार्थी युनियन (स्ववियु) का सभापति तथा विश्वविद्यालय सभा सदस्य दीपकराज जोशीले स्ववियुको प्रतिनिधित्व हटाउने व्यवस्थाविरुद्ध सर्वोच्च अदालतमा दायर गरेको रिट निवेदनमा अदालतले अल्पकालीन अन्तरिम आदेश जारी गरेको छ।

परमादेश प्रकृतिको रिट दर्ता नं.०१-०८२-०४५५४ (०८२-WO-१४२१) अन्तर्गत दायर निवेदनमाथि प्रारम्भिक सुनुवाइ गर्दै सर्वोच्च अदालतले विपक्षीहरूका नाममा कारण देखाऊ आदेश जारी गर्नुका साथै अन्तरिम आदेशसम्बन्धी छलफलका लागि दुवै पक्षलाई उपस्थित हुन आदेश दिएको हो।