शिक्षा, परम्परा र अटिजमको कथा एकसाथ

ह्यारीकी प्यारीपछि डा. कपिल रिजालद्वारा निर्देशित दोस्रो फिल्म गौंथलीको ट्रेलर सार्वजनिक गरिएको छ।

आगामी साउन १ गतेबाट रिलिजमा आउने फिल्मको ३ मिनेट २० सेकेन्ड लामो ट्रेलरले ग्रामीण परिवेशमा एउटी युवतीको शिक्षा प्राप्तिको संघर्ष, वैवाहिक जीवनका चुनौती र अटिजम भएका श्रीमान्संगको सम्बन्धलाई भावनात्मक रूपमा प्रस्तुत गरेको छ। ट्रेलरमा विवाह गर्न नचाहेकी एक युवतीले परिवारको आग्रह र सामाजिक प्रतिष्ठाका कारण सम्झौता गर्नुपरेको परिस्थितिबाट सुरु हुने कथालाई खुलाएको छ। त्यसपछि अटिजमबाट प्रभावित युवकसंग विवाह गरेपछि उनले भोग्नुपरेका मानसिक, सामाजिक र पारिवारिक संघर्षलाई मार्मिक ढंगले चित्रण गरिएको छ।