मेयर कपको क्वार्टरफाइनलमा हेटौंडा–१

हेटौंडा । हेटौंडामा जारी तेस्रो वडास्तरीय मेयर कप फुटबल प्रतियोगितामा विजयी बन्दै हेटौंडा–१ क्वार्टरफाइनल प्रवेश गरेको छ ।

हेटौंडा–५, पिप्ले क्याम्पा रंगशालामा भएको प्रतिस्पर्धात्मक पहिलो खेलमा हेटौंडा–५ लाई ४–२ गोलअन्तरले पराजित गर्दै हेटौंडा–१ ले क्वार्टरफाइनलमा स्थान बनाएको हो । पहिलो हाफमा २ गोलले अग्रता लिएको हेटौंडा–५ दोस्रो हाफमा कमजोर देखि“दा खेलबाट बाहिरिएको छ । हेटौंडा–१ ले चारै गोल दोस्रो हाफमा गरेको थियो । उत्कृष्ट खेल प्रदर्शन गर्ने हेटौंडा–१ का सुमन आलेमगर म्यान अफ दी म्याच घोषित भए । उनलाई हेटौंडा उपमहानगर उपप्रमुख राजेश बानिया“ले ट्रफी हस्तान्तरण गरे ।