पन्जाबको लगातार दोस्रो हार, गुजरात ४ विकेटले विजयी

काठमाडौँ । इन्डियन प्रिमियर लिग अन्तर्गत आइतबार भएको रोमाञ्चक खेलमा गुजरात टाइटन्सले पन्जाब किंग्सलाई ४ विकेटले पराजित गरेको छ । यो पन्जाबको लगातार दोस्रो हार हो ।

पन्जाबले दिएको १६४ रनको लक्ष्य गुजरातले १ बल बाँकी रहँदै १९.५ ओभरमा ६ विकेट गुमाएर पूरा गर्‍यो । गुजरातको जितमा साई सुदर्शनले सर्वाधिक ५७ रनको योगदान दिए भने वासिङ्टन सुन्दरले अविजित रहँदै महत्त्वपूर्ण ४० रन जोडे । पन्जाबका लागि बलिङतर्फ अर्शदीप सिंह र विजयकुमार वैशाकले समान २–२ विकेट लिए ।