भिनिसियसको दुई गोलमा रियल मड्रिड विजयी, बार्सिलोनालाई उपाधिका लागि थप प्रतीक्षा

काठमाडौँ । स्पेनिस ला लिगा अन्तर्गत आज (सोमबार) भएको खेलमा रियल मड्रिडले एस्पान्योललाई पराजित गरेको छ । भिनिसियस जुनियरको दुई गोलको मद्दतमा रियल मड्रिडले एस्पान्योललाई २–० गोल अन्तरले हराएको हो ।

यो जितसँगै रियल मड्रिडले बार्सिलोनाको उपाधि जित्ने प्रतीक्षालाई लम्ब्याइदिएको छ । यदि आजको खेलमा रियल मड्रिडले एस्पान्योललाई पराजित गर्न नसकेको भए, बार्सिलोना औपचारिक रूपमा च्याम्पियन घोषित हुने थियो ।