ठमेललाई नयाँ उचाइमा लैजाने प्रतिबद्धतासहित महासचिवमा पून्यराम लगेजुको उम्मेदवारी

ठमेल पर्यटन विकास परिषद्को महासचिवमा पून्यराम लगेजुले उम्मेदवारी दिएका छन् । असार अन्तिम साता हुने परिषद्को साधारणसभा एवम् अधिवेशनका लागि हालका सचिव लगेजुले महासचिव पदमा उम्मेदवारी दिएका हुन् ।

पर्यटन व्यवसाय, शहरी व्यवस्थापन, सुरक्षा, रात्रिकालीन अर्थतन्त्र, सांस्कृतिक पहिचान र अन्तर्राष्ट्रिय छविसँग प्रत्यक्ष जोडिएको ठमेल पर्यटन विकास परिषद्ले नयाँ नेतृत्व चयन गर्दै छ । नयाँ नेतृत्वका लागि परिषद्मा एक कार्यकाल सचिव र दुई कार्यकाल कोषाध्यक्षका रुपमा काम गरिसकेका पून्यरामले आफ्नो महासचिव पदको उम्मेदवारी घोषणा गरेका हु्न् ।