इरानसँगको युद्धका क्रममा अजरबैजानमा इजरायलले गरेको थियो गोप्य सेना तैनाथ

वासिङ्टन, डी.सी. । इजरायलले इरानसँगको युद्धका क्रममा गोप्य रूपमा आफ्ना विशेष सैन्य र गुप्तचर इकाइहरूलाई अजरबैजानमा तैनाथ गरेको खुलासा भएको छ । सीएनएनले चार जना स्रोतहरूलाई उद्धृत गर्दै यो जानकारी सार्वजनिक गरेको हो ।

ती स्रोतहरूका अनुसार इजरायलले पश्चिम एसियाभर फैलिएको गोप्य सैन्य सञ्जालको हिस्सा अन्तर्गत अजरबैजानमा आफ्नो उपस्थिति राखेको थियो, जसको उद्देश्य इरानविरुद्धको सैन्य अपरेशनलाई सहयोग गर्नु थियो ।