हुरीबतासले छानो उडाएपछि विद्यालयमा पठनपाठन प्रभावित

जुम्ला। जुम्लाको तिला गाउँपालिका– ९ मा रहेको ज्योति माध्यमिक विद्यालयको कक्षा कोठा भवनको छानो हुरीबतासले उडाएको छ। जस्तापाताको छाना हुरीले उडाएपछि पठनपाठन प्रभावित भएको छ।

हुरीबतासले विद्यालयको कार्यालयमा रहेका कागजपत्र पनि उडाएको छ। छानो उडाएपछि कक्षा सञ्चालन गर्न कोठा अभाव हुने वडाध्यक्ष धनबहादुर रावतले जानकारी दिए। शुक्रबार साँझा आएको हुरीका कारण विद्यालयको भौतिक संरचनामा ठूलो क्षति पुर्‍याएको वडाध्यक्ष रावतको भनाइ छ।