नेपालले माग्यो भारत र चीनसँग ४२ वटा बेलिब्रिज

काठमाडौं । नेपालले दुई छिमेकी भारत र चीनसँग ४२ वटा बेलिब्रिज माग गरेको छ । भदौ १० गते रसुवाको भोटेकोसी नदीमा आएको बाढीले ठूलो संख्यामा पुलहरू भत्काएपछि सरकारले भारत र चीनसँग ४२ वटा बेलिब्रिज माग गरेको हो ।

“हामीले चीन र भारतसँग तत्काल नभई नहुने ४२ वटा बेलिब्रिज मागेका छौँ । हामीले जति सक्नुहुन्छ त्यतिवटा उपलब्ध गराउनोस् भनेका छौँ,” परराष्ट्र मन्त्रालय स्रोतले भन्यो ।