राष्ट्रपति ट्रम्प ह्वाइट हाउसभित्रै रहेका बेला गोलीबारी, गोली चलाउने संदिग्ध मारिए

एजेन्सी : अमेरिकाको राष्ट्रपति कार्यालय ‘ह्वाइट हाउस’ नजिकै शनिबार साँझ भएको गोलीबारीमा एक संदिग्ध व्यक्ति मारिएका छन्। अमेरिकी सुरक्षा संयन्त्र ‘सेक्रेट सर्भिस’को जवाफी कारबाहीमा ती व्यक्ति मारिएका हुन् भने गोलीबारीमा एक जना घाइते भएका छन्।

घटना स्थानीय समयअनुसार शनिबार साँझ करिब ६ बजे ह्वाइट हाउस परिसरको १७औँ स्ट्रिट र पेन्सिलभेनिया एभिन्यू नजिकै भएको हो। सेक्रेट सर्भिसले जारी गरेको आधिकारिक बयान अनुसार, एक अज्ञात व्यक्तिले आफ्नो झोलाबाट हतियार निकाली अचानक गोली चलाउन सुरु गरेका थिए।