मुम्बई इन्डियन्सद्वारा लखनउ सुपर जायन्ट्स ६ विकेटले पराजित

काठमाडौँ । इन्डियन प्रिमियर लिग अन्तर्गत सोमबार भएको रोमान्चक खेलमा मुम्बई इन्डियन्सले लखनउ सुपर जायन्ट्सलाई ६ विकेटले पराजित गरेको छ । २२९ रनको विशाल लक्ष्य पछ्याएको मुम्बईले ८ बल बाँकी छँदै जित हात पारेको हो ।

टस जितेर पहिले ब्याटिङ गरेको लखनउ सुपर जायन्ट्सले निर्धारित २० ओभरमा ५ विकेट गुमाउँदै २२८ रनको पहाड खडा गरेको थियो । लखनउका लागि निकोलस पुरनले मात्र २१ बलमा ६३ रनको विष्फोटक इनिङ्स खेले । त्यस्तै मिचेल मार्सले ४४ रन र हिम्मत सिंहले अविजित ४० रनको योगदान दिए । मुम्बईका लागि बलिङतर्फ कोर्बिन बोशले २ विकेट लिए भने विल ज्याक्स र रघु शर्माले १–१ विकेट झारे ।