साउन, ताजा पकाऊन्, चाँडै खाऊन्

प्रकृतिले जीवको अस्तित्व कायम राख्नका लागि प्राकृतिक औषधि दिने गरेको छ । त्यो हो, पृथ्वीकै खाद्य उत्पादन । त्यसमा पनि फलफूल र अन्य पौष्टिकयुक्त पदार्थको सिर्जना । बर्खामा च्याउ यसको अति विशिष्ट उदाहरण हो । त्यसका अतिरिक्त प्राकृतिक क्याप्सुल र दाना पनि प्रकृतिले उपलब्ध गराउँदै आएको छ ।

पुराना जमानाका मानिसले नयाँ फलफूल खाँदा भन्छन्, ‘ऋतुले गर्दा मैले यो फल खाएँ, तर ऋतुले मलाई नखाओस् ।’ यस्ता कुरा धेरै छन् । आयुर्वेदमा शरीरलाई स्वस्थ राख्नका लागि खानापानसम्बन्धी केही पथ परहेजका नियम बनाइएका छन् । यस नियमअन्तर्गत वर्षभरको हरेक महिनामा के खाने वा के नखाने भन्ने निर्देशन किटान गरिएको छ ।