डा बद्रि रिजालको यात्रा: विद्यार्थी आन्दोलनदेखि चिकित्सक संघको अध्यक्षसम्म

बाल्यकालको अवोध मस्तिष्कले चिकित्सक बन्ने चाहना विकास गरायो। तर चिकित्सक बनेपछि अर्को प्रश्न उभियो- कुन विषयको डाक्टर बन्ने ? डा. रिजाललाई एमबीबीएस पढ्दादेखि नै हाडजोर्नी अर्थात् अर्थोपेडिक्समा रुचि थियो।

२०४६ सालको जनआन्दोलनपछि देशमा बहुदलिय व्यवस्था पुनर्स्थापना भयो। अहिलेको जेनजी आन्दोलनजस्तै त्यतिबेलाको जनआन्दोलनले पनि राज्यसत्ता नै बदलिएको थियो। प्रजातन्त्रको पुनर्स्थापनाले जनतामा खुसीयाली र वाक स्वतन्त्रता बढाएको थियो। ४६ सालको आन्दोलन र त्यसपछिका देशका विभिन्न घटनाक्रमले युवाअवस्थामा प्रवेश गर्दै गरेका बद्री रिजालमा राजनीतिप्रति रुचि, चासो र चेत बढाउँदै लग्यो। पछि त्रिवि चिकित्सा शास्त्र अध्ययन संस्थान (आईओएम) मा एमबीबीएस पढ्दै गर्दा उनले विद्यार्थीका समस्यामा आवाज उठाउन थाले।