सभामुखले आवेशमा आएर माइक काट्नुभयो, शब्द नै सुन्नु भएन: सांसद राई

काठमाडौँ । प्रमुख प्रतिपक्ष दल नेकपा (एमाले)का सांसद राजेन्द्रकुमार राईले सभामुख डोलप्रसाद अर्यालले आवेशमा आएर आफूले बोल्दै गर्दा माइक काटेको गुनासो गरेका छन्।

बुधबार प्रतिनिधि सभाको पहिलो बैठकमा सांसद राईले ‘सभामुखज्यूले कान सुन्नुहुन्छ कि हुन्न?’ भन्दै अभिव्यक्ति दिन सुरु गरेपछि सभामुख अर्यालले माइक काट्दै बोल्न रोक लगाएका थिए। सोही विवादका कारण संसद् बैठक १५ मिनेटका लागि स्थगित समेत भएको थियो।