एमाले सांसद राईले समामुखले कान सुन्नुहुन्छ कि हुन्न? भनी दिएको अभिव्यक्ति संसदको अभिलेखबाट हटाउन सभामुखको रूलिङ

सभामुख डोलप्रसाद अर्यालले प्रतिपक्ष दल नेकपा (एमाले) का सांसद राजेन्द्रकुमार राईले सभामुखले कान सुन्नुहुन्छ कि हुन्न? भनी दिएको अभिव्यक्ति संसदको अभिलेखबाट हटाउन रूलिङ गरेका छन्।

बुधबार बसेको प्रतिनिधि सभा बैठकमा सांसद राईले आफ्नो भनाइको सुरूमा नै सभामुखज्युले कान सुन्नुहुन्छ कि हुन्न? भनी अभिव्यक्ति दिएपछि उनलाई बोल्नबाट रोक लगाउँदै संसद बैठक १५ मिनेटका लागि स्थगित गरिएको थियो।