फ्रान्समा वामपन्थीहरुले पारे प्रधानमन्त्रीलाई अफ्ठ्यारो

काठमाडौं । सामाजिक सुरक्षाको बजेट पारित गर्न ल्याएको विधेयक अघि बढाउन शक्तिको उपयोग गर्दा फ्रेन्च प्रधानमन्त्री मिचेल बार्नियरले अविश्वास मतको सामना गर्नु परेको छ ।

संसदमा भएको हंगामा बुधबारसम्म लम्बिने बताइएको छ । बजेटमा बार्नियरले भारी करवृद्धि र खर्चमा व्यापक कटौती गर्दै विधेयक ल्याएका थिए । उनको कदममा वामपन्थी सांसदहरुले तगारो हालेका छन् । बार्नियरले २०२५ को बजेट अघि बढाउनका लागि फ्रान्सको संविधानको अनुच्छेद ४९.३ को उपयोग गरेका छन् । जसले विना भोटिङ विधेयक पारित गर्नका लागि अनुमति दिएको छ ।