पहिलोपटक रोल्पामा चलचित्र प्रदर्शन, ‘मितज्यू’लाई दर्शकको साथ

१० जेठ, रोल्पा । रोल्पाका नागरिकले पहिलोपटक जिल्लामै चलचित्र हेर्न पाएका छन् । जेठ ८ गतेदेखि देशव्यापी रूपमा प्रदर्शनमा आएको चलचित्र ‘मितज्य” रोल्पामा प्रदर्शन हुने पहिलो चलचित्र बनेको छ । जिल्ला सदरमुकाम लिबाङमा चलचित्र प्रदर्शन गरिएको हो ।

रोल्पामा अहिलेसम्म पनि चलचित्र हल छैन । तर, सन स्टार युवा क्लबको समन्वयमा शुक्रबारदेखि लिबाङमा पहिलोपटक अस्थायी हल तयार पारेर चलचित्र प्रदर्शन गरिएको हो । रोल्पा नगरपालिका-४ टुडिखेलमा रहेको जिल्ला समन्वय समितिको हलमा ‘मितज्यू’ प्रदर्शन गरिएको हो ।