इजरायली प्रधानमन्त्री नेतान्याहूले भने : 'मध्यपूर्वमा इजरायल पुग्न नसक्ने कुनै ठाउँ छैन'

जेरुसेलम । लेबनानमा हिजबुल्लाहविरुद्ध भएका आक्रमणहरूबीच इजरायलका प्रधानमन्त्री बेन्जामिन नेतान्याहूले सोमबार इरानलाई मध्यपूर्वमा कुनै स्थान इजरायलको पहुँच बाहिर नरहेको नयाँ चेतावनी दिएका छन् । भिडियो वक्तव्यमार्फत् उनले इरानी जनतालाई सम्बोधन गर्दै उनीहरूको सरकारले उनीहरूलाई ‘रसातल नजिक’ ल्याइरहेको चेतावनी दिए ।

'गुज्रिँदै गरेको हरेक क्षणसँगै शासनले तपाईं महान फारसी जनतालाई रसातल नजिक ल्याइरहेको छ', इरानी जनतालाई चेतावनी दिँदै नेतान्याहूले भने, 'इजरायल पुग्न नसक्ने मध्यपूर्वमा त्यस्तो कुनै ठाउँ छैन, एउटा सानो समूह धर्माधिकारीहरूलाई तपाईंको आशा र सपनाहरू कुल्चन नदिनुहोस् ।'