शिक्षामा राजनीति पस्नु हुँदैन

शिक्षा क्षेत्रले जनशक्ति उत्पादन गर्ने हो । त्यस्तो क्षमतावान् जनशक्ति उत्पादनका लागि सरकारले लगानी गर्नुपर्ने हुन्छ । सरकारको लगानी नपुग्न पनि सक्छ । त्यस्तो अवस्थामा निजी क्षेत्रले पनि लगानी गर्नुपर्ने हुन्छ । अनि मात्र सक्षम जनशक्ति उत्पादन हुन्छ ।

राज्यलाई सक्षम जनशक्ति चाहिन्छ, त्यो कसले तयार पारिदिने ? यसमा सरकार आफैँले पनि तयार गर्न सक्छ, वा अरूलाई सुम्पिन पनि सक्छ । शिक्षालाई राजनीतिक तहबाट सोच्नु हुँदैन । राजनीतिले राम्रो शिक्षालाई सहयोग गर्ने हो; बिगार्ने होइन, दिगो बनाउने हो । हामीले भनेअनुसार गर भनेर हस्तक्षेप गर्ने होइन ।