सत्ताको लुछाचुँडी भइरहे सिर्जना मर्छ

कलाकारिता र राजनीति दुई फरक विषय हुन्, तर यी दुवै एक–अर्कासँग सधैँ जोडिएका हुन्छन् । राष्ट्रभक्त र देशभक्त व्यक्ति राजनीतिज्ञ भयो भने सबै कुरा परिवर्तन गर्दै जनतालाई सुख–सुविधा दिएर देशको मुहार फेर्न लाग्छन् । सबैको हितमा काम गर्छन् ।

हामी अभिनेता–अभिनेत्री भनेका अभिनय गर्ने व्यक्ति हौँ । अभिनेता तथा अभिनेत्रीले अभिनयमार्फत देशको कुरीति र कुसंस्कार उजागर गर्दै सांस्कृतिक अभियान अगाडि बढाउँछन् ।