सञ्जु चम्किँदा दिल्लीमाथि चेन्नईको सानदार जित

काठमाडौँ । इन्डियन प्रिमियर लिग अन्तर्गत मंगलबार भएको खेलमा चेन्नई सुपर किंग्सले दिल्ली क्यापिटल्सलाई ८ विकेटले पराजित गरेको छ । यस जितसँगै चेन्नईले १० खेलबाट १० अंक जोडेको छ ।

दिल्लीस्थित अरुण जेटली स्टेडियममा टस जितेर पहिले ब्याटिङ गरेको दिल्लीले निर्धारित २० ओभरमा ७ विकेट गुमाएर १५५ रन बनाएको थियो । दिल्लीका लागि समीर रिजवीले अविजित रहँदै सर्वाधिक ४० रनको योगदान दिए । उनले २४ बलमा यो रन जोडेका थिए । त्यसैगरी, ट्रिस्टन स्टब्सले ३८ र पथुम निसंकाले १९ रन बनाए । चेन्नईका बलर नूर अहमदले उत्कृष्ट बलिङ गर्दै ३ ओभरमा २२ रन खर्चेर २ विकेट लिए ।