छिटोछिटो सरकार फेरबदलको प्रभाव खेलकुदमा

नेपालमा संस्थागत रूपमा खेलकुद विकासको थालनी भएको साढे ६ दशकभन्दा लामो समय बितिसकेको छ । २०१५ सालमा ‘राष्ट्रिय स्वास्थ्य तथा खेलकुद परिषद्’ गठन भएपछि संस्थागत रूपमा खेलकुद विकासको जग बसेको हो ।

त्योभन्दा अघिदेखि नै नेपालमा पर्याप्त खेलकुद गतिविधि हुने गरेको इतिहास पाइन्छ । राणाकालमा त खेल गतिविधि सर्वसाधारणको पहुँचभन्दा टाढाको विषय थियो । त्यतिबेला खेलकुद भनेको केही निश्चित घरानियाँको वरपर मात्र घुम्ने गथ्र्यो ।