अहिलेको सरकारले कमिशन, तस्करी र निराशामात्रै बढाएको: अध्यक्ष ओली

दैलेख । नेकपा (एमाले)का अध्यक्ष केपी शर्मा ओलीले अहिलेको सरकारले कमिशन,तस्करी र निराशा मात्रै बढाएको बताएका छन्।दैलेखको राकम कर्णालीमा आयोजित विशाल सभालाई संवोधन गर्दै उनले एमाले सरकारको नेतृत्व गर्दा महाकाली, सेती कोरिडोर, पुर्वपश्चिम मदन भण्डारी राजमार्ग, हुलाकी राजमार्ग लगायत सयौ कामहरु अघि बढाएकौ थियो तर अहिले सरकारका कारण सबै काम अघि बढ्न नसकेको बताएका हुन् ।

एमालेले सञ्चालन गरेको ‘झुलाघाट चिवाभञ्ज्याङ, समृद्धिका लागि संकल्प यात्रा’ को चौथो दिन विशाल सभालाई संवोधन गर्दै पुर्वप्रधभानमन्त्री समेत रहेका अध्यक्ष ओलीले पछिल्लो राजनीतिक परिवर्तनलाई उपलब्धी नठान्ने राजतन्त्र माग गर्नेहरूलाई देशद्रोहीको भएको दावी गरे।देशमा लोकतान्त्रिक गणतन्त्रभन्दा राजतन्त्र उत्तम ठान्नेहरु देशद्रोही भएको बताए ।