कृषिको उन्नति नै स्थिरताको खुड्किलो

सरकारको नीति तथा कार्यक्रम र बजेट हेर्नुभयो भने कृषिलाई प्राथमिकतामा राखेका हुन्छन् । त्यति मात्र होइन, सरकारका प्रधानमन्त्री, मन्त्री, सांसद तथा राजनीतिक दलका नेताले दिने भाषणमा पनि कृषिलाई छुटाएका हुँदैनन् । आर्थिक समृद्धिको मुख्य स्रोत नै कृषि हो भन्छन्, तर व्यवहारमा लागु हुँदैन अर्थात् कार्यान्वयन हुँदैन । यही कारण सरकारले कृषिलाई प्राथमिकतामा पार्छ वा पारेको छ भन्नु नै एउटा प्रश्न हो ।

पहिलो योजनादेखि अहिलेसम्म ५०औँ वर्ष भइसक्यो, कृषि कहिल्यै प्राथमिकतामा पर्दैन । राजनीतिक दलका नेता जनताप्रति उत्तरदायी नभएर यो समस्या भएको हो ।