कसरी बन्यो नेपाली ‘हरर’ फिल्म ‘मम्मी’ ?

काठमाडौं । समर निरौलाले ‘हरर’ विधामा पहिलो निर्देशकीय चलचित्र ‘मम्मी’ तयार पारेका छन् । नेपालमा यो विधालाई हेर्ने दर्शक भए पनि प्राविधिक कठिनाइका कारण यस विधाका चलचित्र निकै कम बन्ने गरेका छन् ।

नेपालमा ‘हरर’ विधामा निर्माण भएका विदेशीसँगै स्वदेशी चलचित्रले राम्रो कमाइ गरेता पनि निर्माणमा सुस्तता देखिनु प्राविधिक कठिनाइलाई मुख्य कारण मानिएको छ । चलचित्रका निर्देशक निरौलाले ‘मम्मी’ चलचित्रलाई हरेक पक्षमा उत्कृष्ट बनाउने प्रयास गरेको बताएका छन् । उनले भने, ‘हामीले बनिरहेका नेपाली चलचित्रभन्दा केही फरक गर्ने प्रयास गरेका छौँ । यो एउटा परिवारको कथा हो । कुकुरको निधन भएपछि आउने घटनाक्रमलाई यसमा देखाएका छौँ ।’