अस्थिरतामा वैदेशिक हस्तक्षेप स्वतः हाबी

राजनीति र कुटनीतिको अन्तरसम्बन्धबारे चर्चा गर्दा हामी एउटा कुरामा स्पस्ट हुनुपर्छ– गृह नीति र परराष्ट्र नीतिमध्ये कुनचाहिँ साध्य हो, कुनचाहिँ साधन हो ?

यस विषयमा धेरै मान्छे भ्रमित भएको म पाउँछु । यथार्थचाहिँ गृह नीति नै साध्य हो । परराष्ट्र नीति भनेको गृह नीतिको साधन हो । हामीले आफ्नो देश बनाउनका लागि परारष्ट्र नीतिको पनि प्रयोग गर्दछौँ, त्यो हाम्रो साधन हो । यस विषयमा भ्रमित हुँदा नै अहिले नेपालमा देखिएको राजनीतिक परिस्थिति सिर्जना भएको हो । अहिलेको राजनीतिक परिस्थिति भनेको अस्थिरता हो । त्यो अस्थिरताको कारक भनेको हाम्रो संविधान हो । किनभने हामीले बनाएको संविधानकै संरचनाले राजनीतिक स्थिरता हुनै सक्दैन ।