रणवीरको ‘रामायण’ को रिलिज मिति परिवर्तन हुन सक्ने

मुम्बई । रणवीर कपूर स्टारर चलचित्र ‘रामायण : पार्ट वान’ सन् २०२६ को तिहारभन्दा एक साताअघि नै रिलिज हुन सक्ने भएको छ । बलिउड हंगामाको एउटा रिपोर्ट अनुसार यो चलचित्र अब अक्टोबर ३०, २०२६ मा प्रदर्शनमा आउने सम्भावना छ।

यसअघि यसलाई २०२६ को तिहारमा रिलिज गर्ने योजना बनाइएको थियो । रिपोर्टका अनुसार निर्माताहरू यो चलचित्र तिहारको मुख्य साता सुरु हुनुभन्दा अगाडि नै हलहरूमा आओस् भन्ने चाहन्छन् । यसले गर्दा चलचित्रको बारेमा दर्शकमाझ सकारात्मक प्रतिक्रिया बन्ने र दोस्रो सातामा चलचित्रको व्यापार अझ बढ्ने उनीहरूको विश्वास छ।