के डलरको पतन सुरु भएको हो?

इरानविरुद्धको युद्धका आर्थिक परिणामहरू स्पष्ट हुन थालेपछि विश्वभरका नीतिनिर्माताहरूको धैर्य समाप्त हुँदै छ। वासिङ्टनमा हालै सम्पन्न अन्तर्राष्ट्रिय मुद्रा कोष र विश्व बैंकका बैठकहरूले यसलाई प्रस्ट देखाएका छन्। यो बैठकमा बेलायतकी अर्थमन्त्री रेचल रिभ्सले ‘आफ्नो नभएको’ युद्धको मूर्खताप्रति खेदसमेत प्रकट गरिन्।

यो युद्धको धेरैजसो लागत स्वयं संयुक्त राज्य अमेरिकाले ब्यहोर्नुपर्नेछ। युद्धका तत्काल प्रभावहरू देखिन थालेका छन्। ग्यासको मूल्यमा तीव्र वृद्धि, मुद्रास्फीति दुई वर्षयताकै उच्च स्तरमा पुग्नु र उपभोक्ताहरूले बढेको खर्चलाई सन्तुलन गर्न खर्च कटौती गर्न थालिएसँगै बेरोजगारी बढ्ने चिन्ता देखिएको छ । यी अल्पकालीन झट्काहरू गम्भीर छन् तर अहिले कम ध्यान दिइएको एउटा प्रमुख जोखिम भनेको डलरले विश्वको प्रमुख व्यापार तथा आरक्षित मुद्राको हैसियत गुमाउन सक्ने सम्भावना हो।