हनुमन्ते करिडोर निर्माणका लागि पहल गर्छुः अध्यक्ष दाहाल

भक्तपुर । नेपाल कम्युनिष्ट पार्टी (माओवादी केन्द्र) का अध्यक्ष एवं पूर्वप्रधानमन्त्री पुष्पकमल दाहाल ‘प्रचण्ड’ ले मंगलबार भक्तपुरको हनुमन्ते खोलामा आएको बाढीले पुर्‍याएको क्षतिको अवलोकन गरेका छन् ।

गत शनिबार हनुमन्ते खोलामा आएको बाढीले मध्यपुरथिमि–३ गठ्ठाघर–कौशलटार सागबारीमा पुर्‍याएको क्षतिको निरीक्षण गर्दै करडोर निर्माणमा चासो व्यक्त गरे । उनले बस्तीमा हनुमन्ते खोला पस्नुको कारणबारे जिज्ञासा राख्नुको साथै क्षतिबारे जानकारी लिए। स्थलगत निरीक्षणका क्रममा स्थानीयले हनुमन्ते करिडोर निर्माण सम्पन्न नहुँदा खोलाको बाढीले बस्ती र कृषियोग्य भूमिमा ठूलो क्षति पुर्‍याएको भन्दै हनुमन्ते करिडोर निर्माण सम्पन्न गर्न माग गरेका थिए ।