एभरेष्ट कलरको आईपीओ जेठ २२ देखि खुल्ने

काठमाडौं- एभरेष्ट कलर लिमिटेडले जेठ २२ गतेदेखि सर्वसाधारणका लागि आईपीओ निष्काशन गर्ने भएको छ । कम्पनीले ६ लाख ५५ हजार ७०० कित्ता शेयर प्रतिकित्ता १०० रुपैयाँका दरले बिक्री खुला गर्न लागेको हो ।

यसअघि वैदेशिक रोजगारीमा रहेका नेपालीहरूका लागि छुट्याइएको ७९ हजार कित्ता शेयर बाँडफाँट भइसकेको कम्पनीले जनाएको छ । यस्तै, ३९ हजार ५०० कित्ता सामूहिक लगानी कोष र १५ हजार ८०० कित्ता कर्मचारीका लागि सुरक्षित गरिएको छ ।