इरानले भन्यो– नसरल्लाहको मृत्युको जवाफमा इजरायलमाथि हमला

काठमाडौँ । इरानको इस्लामिक रिभोलुसनरी गार्डले सरकारी टेलिभिजनमा एक विज्ञप्ति जारी गर्दै इजरायलमा आक्रमण भएको पुष्टि गरेको छ । इजरायलतर्फ मिसाइलहरु प्रहार गरिएको विज्ञप्तिमा उल्लेख छ ।

इजरायलले जवाफी कारबाही गरेमा थप मिसाइल प्रहार गर्ने धम्की पनि दिइएको छ । निकै शक्तिशाली मानिने इरानी रिभोल्युसनरी गार्ड्सले हमास नेता इस्माइल हानिया, हिजबुल्लाह नेता हसन नसरल्लाहको मृत्युका साथै लेबनान र प्यालेस्टाइनका जनताको मृत्युको प्रतिक्रियास्वरूप यी आक्रमणहरू गरिएको बताएको छ।